सबैलाई नमस्ते।

संक्षिप्त राजनीतिक जीवनी  नेपाल कम्युनिष्ट पार्टी (माओवादी केन्द्र)का केन्द्रीय सदस्य एवं कर्णाली प्रदेशका प्रथम मुख्यमन्त्री महेन्द्रबहादुर शाहीको जन्म वि.सं. २०३३ साल माघ १५ गते कालिकोट जिल्लाको नानीकोट गाविस वडा नं. ८ कोटीलामा भएको हो । बुवा लालबहादुर शाही र आमा रणकौडा शाहीको कान्छो सन्तानका रुपमा जन्म लिनुभएका शाहीले प्रारम्भिक शिक्षा कालिका प्रा.वि.कोटीलाबाट पूरा गर्नुभयो ।  दुई वर्षको उमेरमै बुवा गुमाउनुभएका शाहीको बाल्यकाल निकै कठिनाईका साथ बित्यो । बुवाको निधनपश्चात् अभाव र संघर्षका बीच आमाले नै पालनपोषण एवं शिक्षादिक्षाको जिम्मेवारी वहन गर्नुभयो । आमाको संरक्षणमै शाहीले नानीकोटको भिटास्थित सरस्वती माध्यमिक विद्यालयबाट एसएलसीसम्मको औपचारिक शिक्षा हाँसिल गर्नुभयो । वि.सं. २०४९ सालमा स्थानीय चन्द्रा शाहीसँग विवाह गर्नुभएका शाहीका २ छोरा (सन्देश र विदेश शाही) र एक छोरी (सुर्जाकुमारी शाही) हुनुहुन्छ ।  पञ्चायती व्यवस्थामा शाहीका बुवा प्रधानपञ्च हुनुहुन्थ्यो । प्रधानपञ्च भए पनि शाहीका बुवा सदैव अ...